最近選民起義同身邊好多朋友都討論緊應唔應該投白票，而問題都係圍繞住「有得揀，緊係揀個好啲啦！」、「爭取五年黎休養生息」等等，我地嘗試將呢d問題整理成圖表，並且作左一些簡單回應。
1. 有得揀，緊係揀個好啲既薯片叔叔啦！
-就算曾俊華望落開明啲，但佢始終都係中共既棋子。中央吹雞，都係要跪低（23條立法）
2. 可以用300+ 選票同曾俊華爭取更多政治籌碼！（例如推遲23條立法、放棄DQ四個議員）
-係小圈子選舉入面，曾俊華最大既老細係中央，佢可以唔兌現選舉承諾！
3.薯片叔叔真係好過林鄭？
林鄭固然係梁振英2.0，做過超多惡事，唔單止整左個垃圾既假普選政改方案，近排仲未經諮詢就潛建故宮博物館！
不過薯片叔叔都唔輸蝕，做過好多陰質野 
佢曾經繞過立法會，一意孤行興建機場三跑，仲鬼風祟祟將水炮車加入財政預算案中，逼使立法會通過買水炮車！
4. 投白票咪即係幫林鄭助選？應該要善用300＋！
-如果中共有600票以上，投任何票都不能影響結果
-如果中共有600票以下，而泛民選委大多數堅持投白票，將會造成流選！
註解：
但是流選也不過意味有可能需要第二輪甚至更多輪投票。由於整個假選舉的設計，就是為了中共操控，再加上中共可以使橫手，所以最後結果一定仍是北京屬意之建制派候選人當選。泛民選委根本不值得太認真對待這種假選舉，只宜投白票，搞抗議，重申要爭真民主。如此腐朽的制度，連抗議的勇氣也沒有，還講什麼民主？
5. 非建制選委係功能界別選民選出，應該要為界別爭取最大權益！
-選委都係由小圈子選舉產生，只有22萬既選民。應該舉辦全港公投決定選委投票意向！
6.雨傘運動後，政治打壓無間斷，香港人需要休養生息！
-雨傘係為左咩？就係為左有真普選！
-曾俊華都係建制派，民主派投畀佢等於係向建制投降，當選後就再難以反對佢。
-如果咁易退讓，投票畀建制派，咁當初大家訓足79日為d乜？
